Тимот во кој ја помина целата НБА кариера, Лос Анџелес лејкерс нема да носи специјални дресови на натпреварите кои ќе ги игра на 25. и 27. јануари.
За два дена, на 26. јануари ќе помине точно една година откако спортскиот свет беше шокиран со веста која никој не сакаше да ја слушне.
„Коби Брајант загина во хеликоптерска несреќа“.
Само два дена пред годинишнината од смртта и 104 дена откако Лејкерси ја освоија титулата, најголемите ѕвезди на „езерцата“, Леброн Џејмс и Ентони Дејвис, се уште тагуваат.
– Велат дека времето лечи се. Но, јас и понатаму сум тажен. Трагедијата истави голем белег кај сите нас. Верувајте дека сè уште тагуваме – изјави Џејмс.
Но, голем дел од фановите ги зачуди информацијата дека клубот во кој Коби Брајант ја помина целата кариера, ЛА Лејкерс, нема да прави никаква церемонија за одбележување на годишнината од смртта на еден од најдобрите кошаркари на сите времиња. Нема да има специјални дресови во чест на Коби на натпреварот против Кливленд на 25. јануари, како ниту на наредниот против Филаделдија (27. јануари), а нема да има ниту специјални видео прилози.
Затоа играчите ќе продолжат да го прават тоа што и досега го правеа, ќе носат патики со потписот на Коби, додека Леброн на својата рака ќе има стегач со бројот 24.
– Ние секој тајм-аут го завршуваме со зборовите „1,2,3…Мамба и тоа ќе продолжиме да го правиме. Коби е дел од нас. Откако се случи трагедијата, во нашите глави ја имаме слилаѕа која е поголема од сите нас – објасни Ентони Дејвис.
