Жоан Лапорта вчера објави дека следната недела ќе започне да носи драстични одлуки во Барселона со цел овој клуб да се извлече од кризата.
Барселона е во големи финансиски проблеми, но факт е дека тие не одат многу добро во спортот. Каталонците ја утнаа и оваа сезона и успеаја да го освојат само Купот на кралот, што секако нема да ги задоволи апетитите на навивачите на овој клуб.
До крајот на сезоната останува само едно коло во Шпанија, а Барселона нема шанси да стане шампион. Затоа Лапорта е крајно лут затоа што до пред три недели Каталонците имаа сè во свои раце.
Барселона победи на само еден од претходните пет натпревари и затоа Роналд Куман се најде на мета на силни критики.
Веќе неколку дена се пишува многу за фактот дека холандскиот стручњак ќе добие отказ на крајот од оваа сезона, иако беше доведен пред само една година. Лапорта сака големи промени и се чини дека промената на тренерот ќе биде една од нив.
Чави, кој неодамна го продолжи договорот со катарски Ал Сад, најмногу се поврзува со Барселона. Сепак, РАЦ 1 денес објави дека Чави не е прва желба на претседателот Лапорта.
Имено, првиот избор на претседателот на Барселона за нов тренер е германскиот стручњак Ханси Флик, кој на крајот од оваа сезона ќе го напушти Баерн Минхен.
Флик минатата година освои се што можеше со Баерн, но реши да го напушти клубот по несогласувањата со челниците. Се шпекулира дека тој ќе ја преземе германската репрезентација затоа што Јоаким Лев најави заминување по ЕП, но тоа сè уште не е потврдено.
РАЦ 1 објави дека Лапорта веќе стапил во контакт со Флик и јасно му ставил до знаење дека сака тој да биде новиот тренер на Барселона и дека ова ќе биде неговото место ако тој сака.
Лапорта и Флик разговараа веќе неколку пати, но сè уште нема договор. На Флик му се допаѓа што може да му понуди Барселона, но сака да чека да разговара со ФС Германија за конечно да ја донесе конечната одлука.
На претседателот на Барселона му се допаѓа филозофијата на фудбалот што ја негува Флик и смета дека тој би бил вистинскиот избор за новиот тренер на каталонскиот клуб.
Но, Лапорта мора да размисли и за други опции, бидејќи Флик има примамлива понуда од германскиот национален тим, што се чини дека е малку поблиску до тоа отколку да оди во Барселона.
