Илјадници граѓани претпладнево се собраа пред грчкиот Парламент во центарот на Атина, за да го изразат нивниот протест за железничката несреќа во која животот го загубија 57 лица, но и да им одадат почит на загинатите, собир кој заврши со инциденти.
Police in Athens attacked thousands of people.
#Τεμπη #Τεμπη_Τραγωδια #Λαρισα #τρενα #τραυματιες #Antireport #Greece #athens pic.twitter.com/27GscZjwnx— Partizan Yunanistan (@partizanGreece1) March 5, 2023
Група маскирани лица се одвои од останатите демонстранти и се судри со полицијата, која одговори со солзавец и шок бомби.
Протестот започна мирно и масовно, организиран од вработените во железницата, со поддршка од синдикатите, студентски здруженија, граѓански организации.
Демонстрантите, пуштија во воздух црни балони за да изразат почит за загинатите во несреќата.
attempted murder!#antireport #athens #GreeceTrainAccident #greece pic.twitter.com/Ianf0a6jcQ
— Yücel Tekin (@panopticcosmos) March 5, 2023
Протести, освен во Атина, имаше и во Солун.
Железничката несреќа што се случи во вторникот вечера и е една од најголемите во Грција во изминатите 50 години, предизвика бурни реакции кај граѓаните кои континуирано организираат протести.
Паралелно шефот на железничката станица во Лариса кој беше уапсен за несреќата и судирот на двата воза во кој животот го загубија 57 лица, вчера беше изведен пред истражен судија, побара и доби уште еден ден за подготовка и се очекува денеска да даде исказ.
Уапсениот, се товари, меѓу другото и за убиство од небрежност, а неговиот адвокат, за грчките медиуми рече дека 59-годишниот, направил грешка, презема одговорност, но само за делот што се однесува на него.