Пензионираниот УФЦ шампион во лесна категорија, Хабиб Нурмагомедов го прокоментира поразот на Конор Мекгрегор од Дастин Поирие.
Поирие во втората рунда го нокаутира Ирецот и го оддалечи од борбата за титула, а Хабиб не пропушти можност да го испровицира својот голем ривал.
„Еве што се случува кога ќе го смениш комплетниот тим, ќе ги напуштиш спаринг партнерите кои те направија шампион и спарингуваш со мали деца. Далеку од реалноста“, напиша Нурмагомедов, кој во нивната меѓусебна борба го принуди Конор да се предаде во четвртата рунда.
This is what happened, when you change your team, leave the sparring partners who made you a champion and sparring with little kids, far away from reality.
— khabib nurmagomedov (@TeamKhabib) January 24, 2021
Мекгрегор на подготовките за борбата со Поирие за спаринг партнер го избра 26-годишниот боксер Дилан Моран, наместо да избере ММА борец.
