Сите јасно се согласуваме дека членстото во ЕУ е примарна цел и за Северна Макеоднија и за целиот регион. И покрај пречките што се појавувата на тој пат, не треба да се откажувате, порача британската амбасадорка Рејчел Галовеј во обраќањето на панел на Првиот Скопски економски форум.
Advertisements
-Во изминатите три години Северна Македонија многу напредна и тоа треба да продолжи. Земјата ги исполни барањата во врска со стабилноста, реформите, договорот со Грција,… а членството во НАТО е огромен придонес за мирот и стабилноста во регионот, рече Галовеј.
Според неа, најголем проблем е корупцијата, тоа и попречува на демократија и е пречка за развојот на економијата. Многу важна е, вели, регионалната соработка.
-Клучна е и регионалната соработка. Соработката со Грција напредува и има уште голем потенцијал. Потребна е регионална соработка. Луѓето се најзагрижени поради невработеноста. Реформите треба да одат паралено со интеграцијата во ЕУ – владеење на правото и развој на економијата. Но, не сите во земјата и во светот сакаат тие реформи да успеат, зашто се водат од своите интереси и ги злоупотебуваат билатереланите несогласувања. Шоковите како пандемијата се предивик. Северна Македонија има амбициозни цели и ако трпеливо и посветено ги решите предизвиците земјата ќе може да биде пример за регионот, рече Галовеј.
Амбасадорот на Италија Андреа Силвести истакна дека Рим ја поддржува европерспективата на сите држава од Западен Балкан. С Македонија, рече италијанскиот амбасадор, направи многу и Советот на ЕУ во март 2020 реши дека треба да ги почне преговорите за членство. Сепак, вели, останува уште многу и да се постигне бидејќи европската интеграција е процес.
-Од тие причини сите чекори треба да се преземат внатрешно во однос на реформите, законодатвстото да се усогласи со акито на ЕУ, значи агендата со реформите треба да продолжи и ова може да се направи на регионално ниво. Ова е пристапот кој што Италија силно го подржува, нагласи амбасадорот Силвестри.
