Македонскиот репрезентативец Елиф Елмас беше дел од вчерашниот тренинг на Наполи. Фотографиите ги објави самиот клуб на своите социјални мрежи. Воедно фотографијата која ја објави Елмас на Инстаграм како се гушка со Гатузо, веројатно е доволна потврда дека односите помеѓу нив двајца се ОК.
Сето ова доаѓа откако вчера попладне голем дел од италијанските медиуми објавија дека Џенаро Гатузо го остранил Елиф Елмас од тренинг поради недоволно залагање. Но, не е прв пат такво нешто да прави Гатузо, претходно слична ситуација имаше со Алан и со Марио Руи.
