Јутјуберот Бакир Карасалиховиќ решил да открие каде се наоѓа станот во кој се снима серијата „Луд, збунет, нормален“, кафулето „Сан Ремо“ и други локации кои се појавија во серијата.
Во тоа му помогна актерот Тарик Џиниќ, кој го толкуваше ликот на Џебра во последните две сезони од серијата, а Бакир сè сними и објави на својот канал.
Шетаа по улицата во Сараево каде се снимаа бројни сцени, а Тарик откри дека и денес многу туристи го бараат култното кафуле и прашуваат каде е. Тој додаде дека денес тој простор е напуштен.
Дојдоа и на улицата „Валтер Периќ“, каде според серијата се наоѓал станот на Фазлиновиќ.
„Можеби сега ќе ве разочарам, но тој стан не постои, никогаш не постоел. Првобитно бил изграден како студио. Така, вклучувајќи го и Сан Ремо и студиото „Акорд“, како и станот на Фазлиновиќ кој сите го бараат, станот не постои“, рече Тарик.
Тој додаде дека и самиот добивал многу пораки во кои прашувал каде се наоѓа станот.
„Студиото беше урнато, таму сега се снимаат други серии“, заклучи тој.
