Челниците на германската Бундеслига донесоа одлука за задолжителен карантин за сите клубови, што ќе започне во понеделник на 3 мај.

Управата на лигата денес објави дека сите фудбалери од Бундеслигата ќе треба да бидат изолирани во своите домови или тренинг кампови, од понеделник, 3 мај, со цел сезоната да заврши без премногу проблеми.

На играчите од Бундеслигата и Цвајта ќе им биде дозволено да го напуштаат домот само за игри и тренинзи, а на овој начин ДФЛ сака да дозволи последниот дел од сезоната да се игра во целосни формации и да се намали можноста за инфекција со коронавирус.

Исто така, донесена е одлука дека од 12 мај, сите клубови ќе бидат ставени во карантин. Ќе остат таму десет дена, односно до крајот на сезоната на 22 мај.

Сите играчи и стручниот штаб ќе бидат тестирани за коронавирус најмалку 24 часа пред да влезат во карантин за да се обидат да спречат ширење на вирусот.

Играчите ќе можат слободно да го напуштат карантинот веднаш по завршувањето на последното коло од Бундеслигата и им претстои прилично долг месец во кој треба да се грижат максимално за себе.

Ниту оваа сезона во Бундеслигата нема да биде премногу возбудлива. Баерн веќе може да ја потврди новата титула во следното коло, а борбата за Лигата на шампионите ќе биде многу возбудлива.

Најголеми шанси за настап во елитното европско натпреварување има РБ Лајпциг, кој е втор на табелата со 61 бод, а го следат Волфсрбуг со 57, Ајнтрахт со 56 и Борусија Дортмунд со 52 бода.

Една од овие четири екипи ќе остане без место во Лигата на шампионите. Засега тоа е Борусија, но до крајот на сезоната има уште четири кола и 12 бода е прилично голема бројка.

ПОВРЗАНИ НАПИСИПОВЕЌЕ ОД АВТОРОТ