Борисов: Преговори за здрав разум, а не за емоции, хероите кои загинале за слобода не треба да биде тема која не разделува

Министерот за надворешни работи на Северна Македонија, Бујар Османи, денеска во Софија имал средба со премиерот на Бугарија, Бојко Борисов. По средбата Борисов порачал дека интеграцијата на Северна Македонија, но и Албанија во Еу не смее да биде забавена. Токму поради тоа, порачал Борисов, Скопје и Софија мора да ги надминат недоразбирањата.

-Значи, и вие и ние треба да се подготвиме за преговори за разум, а не за емоции, за да можат нашите соседи да бидат во Европската унија. Геостратешката цел на Бугарија е ова, прашањето е да се најде политичка волја, и ние и вие,  нагласи Борисов на средбата.

Бугарскиот премиер додаде дека двете земји треба да чекорат по патот на дипломатијата и разбирањето.

-Хеорите, кои загинале за слобода, не смее да бидат темата, која ќе не раздели, бидејќи нивниот најдлабок сон бил да бидеме заедно и затоа ги дале своите животи. Така што тие треба да бидат мост на пријателство, а не на разединување, нагласи Борисов.