Француската репрезентација својот втор натпревар на Европското првенство го игра во вторник, против репрезентацијата на Германија.
Несомнено, ова е најголемото дерби во првото коло од групната фаза на Европското првенство, а со причина се очекува спектакуларен натпревар на „Алијанц Арената“ во Минхен.
Французите за многумина се главен фаворит за освојување на Европското првенство затоа што играат во навистина одлична форма претходните години.
Дидие Дешамп одлучи дополнително да го засили тимот бидејќи по шест години го врати Карим Бензема во националниот тим, што сигурно ќе биде најдобро можно засилување за „триколорите“.
Бензема на прелиминарните натпревари покажа дека ќе има огромно засилување, но во последната проверка за ЕУРО против Бугарија, сите беа многу загрижени кога Бензема го напушти теренот поради повреда.
Искусниот напаѓач се пожали на повреда на коленото откако беше погоден во коленото на воздушен дуел. Бензема се обиде да го продолжи натпреварот, но не можеше и побара замена.
После натпреварот се појави информација дека Бензема може да го пропушти Европското, но за среќа тоа нема да се случи. Станува збор за полесна повреда, поради што одмори два дена.
Бензема вчера тренираше со остатокот од францускиот тим и она што ја воодушеви јавноста во оваа земја е што ќе биде подготвен за мечот против Германија, што го потврди и самиот искусен напаѓач.
„Опоравувањето оди одлично. Вчера се вратив на тренинг со тимот. Нема повеќе болка во коленото и сè е во ред. Дали се плашев дека ќе го пропуштам Еврото? Не, не мислев така. Чувствував голема болка , но тоа беше само посилен удар. Мислев дека не треба да ризикувам и затоа излегов “, вели Бензема, додавајќи.
„Неколку дена подоцна болката исчезна и почнав да тренирам. Физички се чувствувам одлично затоа што претходните денови вежбав во теретана и сум 100% подготвен за Европското првенство”.
“Ca va très bien. J’ai pu reprendre l’entraînement hier avec le groupe. Ca s’est bien passé, pas de douleur ni de gêne, donc je suis opérationnel. Je suis à 100%” @Benzema rassure tout le monde : il est de retour… et à 100% pic.twitter.com/BNLgqHmT7m
— Téléfoot (@telefoot_TF1) June 13, 2021
Натпреварот помеѓу Франција и Германија се игра во вторник во Минхен со почеток во 18 часот.
По Германија, тие ќе играат против Унгарија во Будимпешта (19 јуни), и дуел со Португалија (23 јуни).
