Белата куќа го покани кинескиот амбасадор во Вашингтон, Чин Ганг, да разговара со него за да ја осуди „ескалацијата на акциите“ против Тајван и да повтори дека САД не сакаат криза во регионот, пренесува денеска „Вашингтон пост“.
Advertisements
„По дејствијата на Кина во текот на ноќта, го поканивме амбасадорот Чин во Белата куќа да му испратиме официјален демарш за провокативните дејствија на Кина“, изјави портпаролот на Белата куќа Џон Кирби за „Вашингтон пост“.
Кина денеска одлучи да воведе санкции за претседателката на Претставничкиот дом на САД, Ненси Пелоси и нејзиното семејство, како одговор на, како што рече кинеското Министерство за одбрана, „злобни“ и „провокативни“ дејствија поради нејзината посета на Тајван во вторникот, објави Ројтерс.
