,/center>
ЕКСПЕРТИТЕ откриле дека еднојазичните бебиња можат да разликуваат фонетски звуци уште на возраст од шест месеци, без разлика дали се зборуваат на јазикот на кој се навикнати да слушаат или на друг јазик што не се зборува во нивните домови, пренесува Parents. Меѓутоа, еднојазичните бебиња на возраст од десет до 12 месеци повеќе не откриваат звуци на вториот јазик, туку исклучиво на јазикот што најчесто го слушаат.
Истражувачите објаснуваат дека ова претставува одреден процес на „невронска посветеност“ во кој мозокот на доенчињата е поврзан да го разбира јазикот и неговите звуци. За разлика од нив, двојазичните бебиња наследиле различна развојна траекторија. На возраст од шест до девет месеци, тие не забележале разлики во фонетските звуци на ниту еден јазик, но кога биле постари, на возраст од десет до 12 месеци, тие биле во можност да разликуваат звуци на двата јазика.
„Она што го потврдува нашето истражување е шпекулацијата дека двојазичните бебиња се поотворени за вториот јазик. Двојазичните бебиња не покажуваат перцептивно стеснување со брзината што ја покажуваат еднојазичните доенчиња. Ова е уште еден доказ дека она што го доживувате го обликува вашиот мозок на рана возраст“, објаснува Патриша Кул, професорка на Универзитетот во Вашингтон и една од авторите на студијата.
Двојазичните бебиња имаат подобри логички вештини
Други истражувања на оваа интересна тема покажуваат дека бебињата претпочитаат јазици кои се ритмички слични на јазиците што ги „чуле“ додека се уште се во утробата на нивната мајка. Исто така, беше откриено дека двојазичните бебиња имаат побогат речник, подобри логички вештини за решавање проблеми и способност повешто да извршуваат неколку задачи одеднаш, за разлика од бебињата кои биле израснати во еднојазични семејства“, пишува Parents.
Во едно истражување, докажано е дека бебињата израснати во двојазични семејства многу побрзо и полесно се прилагодуваат на новата средина и луѓето околу нив отколку што е случајот со бебињата воспитани во еднојазични семејства.
Научниците заклучија дека разликата помеѓу еднојазичните и двојазичните деца подоцна во животот не е во самиот јазик, туку во вниманието што го користат фокусирајќи се на јазикот, но и многу други работи кои вклучуваат перцепција на реалноста, отвореност во општеството и подоцна подобар успех во училиште.
