Политичката партија Аваја поднесе опомена пред тужба против лидерот на партијата ПЦЕР, Самка Ибраимовски заради изнесени невистини, лаги, обвинувања и обид за дискредитација преку социјалните мрежи.
Претседателот на Аваја, Акиф Кариман бара јавно извинување од Ибраимовски, затоа што изнел дезинформации, лаги, манипулации и ширел страв.
„Објавата од Вашиот профил на фејсбук мрежата, без никаков доказ и прикачен документ се коси со слободата на изразување и мислење, бидејки го направивте на осмислен начин да нанесете штета на Партијата. Оваа објава директно го засега интегритетот и чесноста на сите членови на Аваја, којашто котира одлична кај Ромската заедница и пошироко во општеството. Затоа бараме јавно да се извините од вашиот профил на социјалните мрежи, на Политичката партија Аваја и на нејзиниото членство за објавените невистини и лаги во наредните 7 дена“, се обрати Кариман кон претседателот на ПЦЕР.
Во спротивно, Аваја ќе поднесе тужба за клевета и навреда против Ибраимовски.
Прва иницијатива на новите пратеници на Аваја во Собраниетоќе биде преиспитување на финансирањето на политичките партии во изминатите 20 години.
