Многу Украинци и понатаму бегаат од својата земја додека руската војска се приближува до Киев. На границата меѓу Украина и Полска има многу семејства. Некои преминаа на полска страна, додека други брзаат да пристигнат на безбедно тло. Повеќето од нив се жени и деца.
При ниски температури и снежни врнежи, со куфери во рацете и ранци, во Романија пристигна уште еден бегалски бран. Некој носеше деца, а некој ја туркаше количката каде што седеше постар или инвалид.
„Чувствувам голема болка. Многу болка. Чувствувам болка за мојата земја и мојот народ. Немам зборови да ја опишам оваа болка. Зад себе го оставив сопругот, кучето, мачките, домот, мојот живот. Ова беше многу долг и многу страшен пат“, рече Марија Јунхаријан.
Според Обединетите нации, околу 830 илјади луѓе преминале во соседните земји на Украина, со други зборови околу 170 илјади повеќе отколку вчера. Многумина заминале во Полска.
Визарт: Земји со најмногу бегалци
454.000 во Полска
116.000 во Унгарија
67.000 во Словачка
65.000 во Молдавија
43.000 во Русија
38.000 во Романија
350 во Белорусија
И Балканот покажа подготвеност да смести украински бегалци. Ден претходно, Владата на Косово соопшти дека ќе засолни 20 новинари. Обединетите нации побараа 1,7 милијарди долари бидејќи растат хуманитарните потреби во Украина и соседните земји.
Еви Шкопи
