Американскиот државен секретар Антони Блинкен објави дека САД им се придружиле на своите сојузници во блокирањето на руските банкарски трансакции.
„САД им се придружуваат на нашите сојузници и партнери во стопирањето на трансакциите во кои се вклучени Централната банка на Русија или руското Министерство за финансии. Воведуваме санкции и на рускиот фонд за директни инвестиции“, напиша Блинкен на Твитер.
The United States is joining our allies and partners in prohibiting transactions involving the Central Bank of Russia or Russian Ministry of Finance. We are also imposing sanctions on the Russian Direct Investment fund.
— Secretary Antony Blinken (@SecBlinken) February 28, 2022
Европската унија и САД одлучија дополнително да ги заострат санкциите кон Русија поради нејзината воена интервенција во Украина.
По замрзнувањето на имотот на рускиот претседател Владимир Путин, рускиот врвен дипломат Сергеј Лавров и многу други функционери, затворањето на воздушниот простор или санкционирањето на најголемите руски банки, Западот начелно се согласи да ја исклучи Русија од СВИФТ.
SWIFT (Глобална финансиска меѓубанкарска телекомуникациска компанија) е безбедна комуникациска платформа што ја користат банките, банкарските посредници и финансиските институции за испраќање и примање информации, како што се инструкции за трансфер на пари во странство или тргување со хартии од вредност.
Основана е во 1973 година за да го замени телексот и сега се користи од над 11.000 финансиски институции за испраќање безбедни пораки и налози за плаќање. Без никаква глобално прифатена алтернатива, тој е суштински водоводџија за глобалните финансии.
Корпорацијата SWIFT е во сопственост на банки-членки и има одбор од 25 членови. Нејзиното седиште е во Белгија. Тој е надгледуван од група централни банки познати како Г10.
