Хриситијан Мицкоски, претседателот на ВМРО-ДПМНЕ, по повод традиционалниот вевчански карневал, денеска беше во посета на Вевчани.
Како што истакна тој, оваа посета ќе ја искористи да поразговара со граѓаните за актуелната состојба како живеат, каков е животот, со кои проблеми се соочуваат.
Тој додаде дека ќе има можност да разговара и со луѓето од локалната самоуправа, со градоначалникот, кој е нов, и е од редовите на ВМРО-ДПМНЕ.
Мицкоски додаде дека овие посети, покрај тоа што имаат забавен карактер, треба да имаат и работен дел затоа што она што нас како народна партија нѐ интересира тоа е што мисли народот, како живее народот, каде можеме ние да помогнеме и кои се проектите што од нас народот ги очекува не само како локална самоуправа туку како и идна централна власт.
Тој истакна дека очекува да преовлада весел дух и им посака на вевчанци успешен карневал и успешни карневалски денови.
