Координаторот на пратеничката група на СДСМ, Јован Митревски, изјави вечерва дека „докажаниот губитник Христијан Мицкоски ја излажал јавноста дека има ново мнозинство од 61 пратеник и го повика да не бара алиби за неуспехот во другите. Митревски нагласи дека лидерот на ВМРО-ДПМНЕ го излажал народот и треба да им се извини на граѓаните и да преземе одговорност.
Митревски истакна дека мнозинството во собранието ќе се зголемува, но остави за настаните што ги лоцираше временски во текот на утрешниот ден да соопшти некој друг.На прашањето дали знае каде е Кастриот Реџепи и дали е точно дека е киднапиран Митревски рече дека има обратни информации од опозицијата – дека токму од неа му вршат притисок и дека очекува деновиве да излезе и да и ги соопшти деталјите на јавноста околу тоа што му се случувало во овој период.
Митревски не сакаше да коментира дали Реџепи ќе биде дел од новото парламентарно мнозинство што се најавува.
