Секој од нас може да направи промена, бидејќи волонтирањето и помагањето на другите е во сржта на секое човечко битие. Водени од оваа мисла вработените од Нептун Македонија организираа акција во рамките на која помогнаа да се молериса една од куќите каде што се сместени младинците поддржани од СОС Детско село. Во пријатна атмосфера и преубаво дружење младинците и вработените на Нептун Македонија ја потврдија мисијата – Ајде заедно да креираме подобро утре за сите деца!
Advertisements
Вредните волонтери од Нептун Македонија беа дочекани од младите домаќини со вкусен појадок како најава на еден убав ден исполнет со позитивна енергија на претек. Со одлична дружба, забава и заедничка работа успеавме просторот да го разубавиме и освежиме и заедно да им посакаме на младинците успешен старт на учебната година.
Активностите во рамките на стратешката соработка помеѓу Нептун Македонија СОС Детско село продолжуваат. Ајде да бидеме промената која сакаме да ја видиме во светот!
