Направени се повеќе од 130.000 тестови, а речиси пет проценти се позитивни. Речиси 400 пациенти се во сериозна состојба, најмногу од март, а 64 се на респиратор. Ваквиот развој на настаните е само два дена откако израелската влада ги заостри ограничувањата во обид да го спречи ширењето на делта сојот во земјата.
Advertisements
Во меѓувреме, околу 577.000 луѓе примија трета доза на вакцината, а 5.4 милиони од вкупните 9.3 милиони жители имаат примено втора доза, пренесуваат израелските медиуми. Во Израел има околу милион граѓани на возраст од 12 години и постари кои не ја примиле првата доза.
Во понеделникот, американските центри за контрола и превенција на болести го додадоа Израел на листата на земји со најголем ризик и ги советуваа своите граѓани да избегнуваат патувања во таа земја. Исто така, беше предупредено дека поради моменталната ситуација во Израел, дури и целосно вакцинираните патници може да бидат изложени на ризик да се заразат и да го шират вирусот.
Патниците кои доаѓаат од скоро сите земји, освен од десетте земји на листата, ќе мора да одат во продолжена изолација, без оглед на тоа дали се вакцинирани. Се очекува мерката да биде одобрена од парламентарната комисија.
