Против едно физичко и едно правно лице Основното јавно обвинителство Скопје поведе постапка за сторено кривично дело „непостапување според здравствените прописи за време на епидемија“ од член 206 од кривичниот законик, соопштија од ОЈО Скопје.
Advertisements
„Обвинетото правно лице – ресторан и неговиот управител на 18.08.2020 година не постапиле согласно прописите со кои беа определени мерки за превенција и заштита на населението од заразни болести. Имено, при контрола од Државниот пазарен инспекторат во ресторанот било утврдено дека спротивно на протоколот за работа на угостителските објекти, во две целосно затворени сали на ресторанот се организирале прослави и се послужувале гости. Во едната сала била организирана свадба со околу 150 лица, а во другата – прослава со околу 20 лица, соопштија од скопското обвинителство.
