Владејачката СДСМ се јави со писмена реакција откако ВМРО-ДПМНЕ го критикуваше логото за 30 годишната независност. На него се претставени меѓународната кратенка, потоа сонцето, новото уставно име.
-Државното знаме е светост и тоа не треба да се сведува на дневни политичко-партиски преписки, ниту да се користи во логоа за прослави. ВМРО-ДПМНЕ требало до сега да научи дека на државното знаме има сонце со 8, а не со 12 краци.
На логото за годинешниот јубилеј за кој ВМРО-ДПМНЕ денеска глуми наводна загриженост не е ставено знамето туку на него има стилизирано сонце, со видлива разлика и во типот и во бројот на краци.
Логото за јубилејот “30 години независност” е составено од повеќе елементи. На традиционалната црвена основа, обединети се симболите со кои се потенцира 30 годишнината од независноста. Сонцето, уставното име, меѓународниот код МК код бројот 30 раскажуваат за нашата државност, велат од СДСМ.
