СДСМ и ДУИ да ја поддржат Резолуцијата, нема потреба од измени во текстот, ако се искрени кон Македонија, соопшти опозициската ВМРО-ДПМНЕ.
-Текстот на Резолуцијата е сублимат на ставовите на МАНУ, УКИМ и МПЦ-ОА. Резолуцијата ги истакнува црвените линии и ги штити јазикот, нацијата и идентитетот. Резолуцијата е рамка од која не смее да излезе ниту Зоран Заев, ниту која било друга влада. Ако СДСМ и ДУИ го имаат интересот на народот пред се нема зошто да не ја прифатат Резолуцијата. Очекуваме да се надминат партиските интереси и сите да застанат зад интересот на државата. Резолуцијата ќе биде национален став и како таква може само да ги зацврсти македонските позиции, се вели во дописот од ВМРО-ДПМНЕ.
Оттаму апелираат да не се наоѓаат изговори и Резолуцијата да не се кочи во Собранието.
