Опозициската ВМРО-ДПМНЕ, по повод вчерашните изречени пресуди за случајот „Двојник“, односно издадените патни исправи за познати балкански криминалци со туѓ идентитет, прашува зошто оклу 200 вакви пасоши се уште не се поништени.
-Брзоплетата и скандалозна пресуда за аферата „Мафија“ само го покажува стравот и нервозата во власта на Заев. Трас – трас пресудите со смешни и условни казни само покажува дека власта сака да го забошоти случајот и да спречи да излезе на виделина целата вистина.
Но се лажат ако мислат дека за аферата „Мафија“, во која биле доделени над 200 пасоши на мафијаши, нарко босови, убијци, терористи, ќе ја префрлат целата вина на неколку чиновници.
Колку и да ја кријат вистината, толку посилно ќе одекне.
Патем скандалот да биде поголем зошто пасошите од аферата „Мафија“ доделени на криминалците се уште се важечки. Дали овие пасоши не се поништуваат затоа што такви пасоши биле доделени на лица поврзани со акцијата „Планина“?
Ниту една трас – трас пресуда не може да го покрие овој скандал кој што не само што го загрози безбедносниот систем на Македонија, туку и безбедносните системи на многу други земји во Европа и светот, велат од ВМРО-ДпМНЕ.
