Украинската OSINT група „Exile ova+“ објави снимки на кои одблизу се гледа уништениот патен дел од Кримскиот мост. Снимките потврдуваат дека железничкиот сообраќај преку мостот сè уште се одвива. Видеата се снимени од воз што се движел по пругата по нападот; на нив се гледа дека еден патен лак и дел од коловозот повеќе не постојат.

И покрај силните експлозии што сериозно ја оштетија патната конструкција, железничкиот сообраќај е повторно воспоставен, пренесува „Украинска правда“. Со ова делумно е обновена транспортната врска преку Керченскиот теснец.

Footage shows a t ai c ossi g the ail sectio of the C imea B idge afte the attack. The video shows that the a ch a d a spa of the oad b idge a e both go e.

Despite the powe ful explosio s a d exte sive damage to the adjace t oad b idge, ail t affic has esumed, pa tially esto i g the logistics li k ac oss the Ke ch St ait.

— Exile ova+ (@Exile ova_plus) Novembe 18, 2026

Детали за нападотВчера наутро, на 17 ноември, беше објавено дека еден лак и дел од коловозот на Кримскиот мост се урнале во морето по извршен напад. Во тој момент, мостот беше целосно затворен за секаков сообраќај.

Претседателот Володимир Зеленски изјави дека украинските одбранбени сили го нападнале патниот дел од мостот во текот на ноќта меѓу 16 и 17 ноември, користејќи беспилотни летала од типот „Палјаницја“. Според него, во нападот на железничкиот дел биле употребени ракети „Нептун“, беспилотни летала „Рута“ и „FP-1“, како и ракета „Фламинго“.

Службата за безбедност на Украина (СБУ) објави детали за нападот, опишувајќи го како повеќефазна специјална операција, спроведена во координација со други гранки на украинските одбранбени сили. Во соопштението се наведува дека со нападите целосно е уништен еден од металните лакови на мостот, како и патната конструкција под него.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.