Од Исланд до Бразил, преку Италија, Израел, Шпанија, Германија, Србија, Хрватска и Турција, македонскиот филм „Скејтбордингот не е за девојчиња“, во режија на Дина Дума, продолжува да ја освојува меѓународната филмска сцена со девет фестивалски селекции во октомври и ноември.
По светската премиера на T ibeca Film Festival во Њујорк, филмот го продолжи своето патување на Reykjavik I te atio al Film Festival во Исланд, Rome Film Fest во Италија, Most a I te acio al de Ci ema em São Paulo во Бразил и TLVFest во Израел.
Ноемвриската маршрута опфаќа уште пет фестивали: Seville Eu opea Film Festival во Шпанија, B au schweig I te atio al Film Festival во Германија, Zag eb Film Festival во Хрватска, Auto ski Film Festival во Србија и I te atio al C ime a d Pu ishme t Film Festival во Турција.
Особено значајни се селекциите во главните натпреварувачки програми во Рејкјавик и Брауншвајг, италијанската премиера во Рим, како и учеството во натпреварувачките програми во Севилја и Истанбул.
Вториот долгометражен филм на Дина Дума раскажува за единаесетгодишната Адела, која преку љубовта кон скејтбордингот се бори против предрасудите и се обидува да ја спаси својата постара сестра од договорен малолетнички брак.
Филмот е во продукција на „Сестри и брат Митевски“, со Лабина Митевска како продуцентка, и е меѓународна копродукција на Македонија, Белгија, Словенија и Хрватска, реализирана со поддршка на Агенцијата за филм на Република Северна Македонија.
Паралелно со меѓународното фестивалско патување, „Скејтбордингот не е за девојчиња“ продолжува да се прикажува во кината низ Македонија, а скопската публика ќе има можност да го погледне и на 16 и 17 ноември во Кинотека на Македонија.
Девет фестивали, три континенти и една приказна што докажува дека скејтањето е и за девојчиња.
