Војник кој стоел на стража кај Гробот на непознатиот војник на Националните гробишта „Арлингтон“ упатил опомена до група во која се наоѓале соработници на секретарот за одбрана Пит Хегсет. Инцидентот се случил по церемонијата по повод Денот на ветераните, откако од групата собрана околу секретарот се слушнала гласна смеа.
На снимката од настанот се гледа како Хегсет позира за фотографија пред гробот заедно со неговата сопруга Џенифер и тројца соработници: шефот на кабинетот Рики Бурија, заменик-шефот на кабинетот Патрик Вивер и вишиот советник Тами Радабау. Откако била направена фотографијата, додека групата почнала да се разодува, се слушнала смеа. Стражарот тогаш гласно предупредил дека „посетителите на ова место мора да одржуваат тишина и во секое време да покажуваат почит“.
The A my se ti el who shouted, “All visito s will mai tai a atmosphe e of sile ce a d espect at all times,” afte laughte b oke out amo g Defe se Sec eta y Pete Hegseth’s g oup at the Tomb of the U k ow Soldie dese ves ou highest p aise. Hegseth should have show the espect that Vete a s Day a d that hallowed place dema d. I sta di g up fo ou falle he oes, this soldie emi ded us of who we ca be at ou best. https://t.co/X1STDmjsbW
— Jamie Metzl (@JamieMetzl) Novembe 12, 2026
Гробот на непознатиот војник се смета за еден од најсветите воени споменици во Америка. Тој служи како последно почивалиште за неидентификувани припадници на вооружените сили од Првата светска војна, Втората светска војна и Корејската војна. Припадници на 3-тиот пешадиски полк, познат како „Старата гарда“, стојат на стража кај гробот 24 часа на ден, без прекин, уште од 1948 година – без оглед на временските услови.
Хегсет и неговите соработници биле кај гробот како дел од пошироката церемонија за одбележување на Денот на ветераните, на која присуствувале и претседателот Доналд Трамп и потпретседателот Џеј Ди Венс.
