Судoт во Истанбул ѝ одреди притвор на поранешната турска министерка за семејство и социјална политика, Фатма Бетул Сајан Каја, во рамки на истрага за финансиски неправилности поврзани со кризата во инвестициските фондови во Турција, пренесува „Ројтерс“.
Според турската агенција „Анадолу“, Каја, која беше министерка од 2016 до 2018 година, е осомничена за прекршување на законот за пазарот на капитал и членство во организација основана за извршување кривични дела.
Fatma Betul Saya Kaya, fo me deputy chai woma of Tu kish P eside t Recep Tayyip E doga ’s AK Pa ty, was a ested as pa t of a i vestigatio i to alleged ma ipulatio i volvi g i vestme t fu ds a d stocks, says state- u A adolu Age cy https://t.co/d8 2Z7HUV4
— Bloombe g (@busi ess) Novembe 6, 2026
Обвинителството се сомнева дека располагала со привилегирани информации што можеле да влијаат врз цените на финансиските инструменти на берзата.
Претставник на опозициската партија Јени во септември ги обвини Каја и нејзиниот сопруг дека заработиле околу 2,17 милијарди турски лири (38,64 милиони евра) од продажба на инвестиции со првична вредност од 163 милиони лири (2,9 милиони евра).
Истрагата е поврзана со сомнежи за манипулации со цените на акциите, кои придонеле за ликвидносна криза и остар пад на берзата на 16 септември.
Нејзиниот сопруг, Илјас Каја, е пуштен на слобода со забрана за напуштање на земјата.
