Филипче со багажот од криминални тендери и десет илјади мртви за време на короната, не може реално да расудува за ништо, уште помалку да зборува за права на секој еден граѓанин, изјави Бране Петрушевски, пратеник на ВМРО-ДПМНЕ.
„На Венко Филипче, како главен во талогот на СДС, откако направи низа на криминали му текна да се грижи за работниците и минимална плата. И секако, Филипче како специјализиран за криминал заедно со неговиот учител, Зоран Заев, и партиски другар се противи на се што значи економски раст и економски напредок. Се противи на секаков вид инвестиција, на се што ќе придонесе за реално минималната плата да се зголеми. Но, што знае Филипче за реално покачување на минималната плата. Ништо“, рече тој.
Петрушевски вели дека Филипче за време на владата на СДС и додека тој бил министер, знаел само за спроведување на сомнителни тендери во здравството како оној за вакцините, потоа сомнителни проекти за клинички во Скопје и го обвини дека сакал неколку области во здравството да ги приватизира.
„Дополнително, на негово конто се десеттина илјади починати во корона кризата, 14 пациенти кои живи изгореа во модуларната болница во Тетово. Филипче по сето ова, многу е јасно дека не може реално да расудува, не може да носи реални одлуки. Затоа, на Филипче му останува само да глуми грижа за граѓаните. Владата предводена од ВМРО-ДПМНЕ продолжува за грижата за секој еден граѓанин преку помагање на локални проекти, носење на инвестиции, подобрување на економската ситуација“, рече Петрушевски.
Текстот (Видео) Петрушевски: Филипче со багажот од криминални тендери и десет илјади мртви за време на короната, не може реално да расудува за ништо е превземен од МАКФАКС.
