Ким Кардашијан (45) и Луис Хамилтон (41) повеќе не ја кријат својата врска. Двојката се појави на свеченото отворање на Музејот на наративна уметност „Лукас“ во Лос Анџелес, каде што пред камерите се прегрнуваа и бакнуваа.
Гласините за нивната врска се појавија уште во февруари, а во последните месеци сè почесто се појавуваат заедно во јавноста.
@voguemagazine Co-chair of the evening, #lewishamilton celebrates the opening of the Lucas Museum of Narrative Art in Los Angeles last night with his date #kimkardashian ♬ original sound – Bella
„Вог“ на ТикТок објави снимка на која Хамилтон ја бакнува Кардашијан во уста, по што таа му го брише сјајот за усни. Снимката брзо привлече големо внимание и предизвика бројни реакции на социјалните мрежи, каде што многумина коментираа дека изгледаат одлично како двојка.
Кардашијан на настанот носеше црно-златен фустан од Том Форд, додека возачот на Формула 1 се појави во црн костум.
Кардашијан претходно беше во брак со Канје Вест, со кого има четири деца, а потоа беше во врска со комичарот Пит Дејвидсон. Хамилтон, пак, од 2007 до 2015 година беше во врска со пејачката Никол Шерцингер.
Гласините за Кардашијан и Хамилтон почнаа по нивното тајно патување во Котсволдс во февруари. Оттогаш беа забележани заедно во повеќе наврати, а Кардашијан присуствуваше и на трката за Големата награда на Монако каде што навиваше за Хамилтон.
Извори блиски до двојката тврдат дека нивната врска станала сериозна и дека Хамилтон веќе е близок со семејството на Кардашијан.
