Недостигот на железо не мора секогаш да се надоместува со додатоци во исхраната – препорачаниот дневен внес за возрасни, кој се движи од 8 до 18 милиграми, може да се обезбеди и со внимателен избор на намирници, пишува „Verywell Health“.
Железото во храната се дели на хем и нехем железо. Хем железото се наоѓа во месото, живината и морските плодови и организмот полесно го апсорбира, додека нехем железото се наоѓа во растителните намирници и потешко се апсорбира.
Меѓу намирниците богати со железо се издвојуваат пилешкиот црн дроб, кој содржи 10,8 милиграми железо во порција од 85 грама, варената соја со 8,8 милиграми во една шолја и леќата со 7,2 милиграми во 100 грама.
Добри извори се и варените остриги, со 6,1 милиграми железо во 85 грама, говедскиот црн дроб со 5,2 милиграми во иста количина, спанаќот со три милиграми во една шолја и семките од тиква со 2,5 милиграми во околу 30 грама.
Апсорпцијата на железото од растителните извори може да се подобри ако тие се комбинираат со храна богата со витамин Ц. Калциумот, пак, може да ја намали апсорпцијата, па додатоците со калциум се препорачува да се земаат одвоено од оброците богати со железо.
Текстот Седум намирници богати со железо кои вреди да ги вклучите во исхраната е превземен од МАКФАКС.
