Октај Сејди ќе ја претставува Македонија на „Мистер Интернешнл“ во Тајланд.
На 26 септември, во Тајланд, Октај ќе застане рамо до рамо со претставници од целиот свет, носејќи ги македонските бои на една од најпрестижните меѓународни сцени за машка убавина.
Октај е познат стилист во Македонија. Вели дека со огромна гордост ја носи титулата „Мистер на Македонија“. Тој вели дека во Тајланд ќе направи сè за да ја претстави земјата гордо и достоинствено.
„Јас сум Октаj Сејди, роден и израснат во Македонија. Со години активно работам и создавам во нашата земја, каде што преку мојот сопствен салон @oktayseydi_hairartist станав препознатливо и познато лице. Уште од најмали нозе сум поврзан со модата и моделингот, а денес својата приказна ја продолжувам и преку социјалните мрежи како инфлуенсер. Денес, со огромна гордост, ја носам титулата Mister North Macedonia и ќе ја претставувам нашата земја на Mister International. Ова за мене не е само титула. Ова е чест, одговорност и можност пред светот да покажам колку прекрасни се нашата земја и нашиот народ. Ќе дадам сè од себе за да ве направам горди и достоинствено да го претставувам македонското знаме“, напиша Октај на Инстаграм.
Текстот Октај Сејди ќе ја претставува Македонија на „Мистер Интернешнл“ во Тајланд е превземен од МАКФАКС.
