Една од најубавите плажи во Сардинија повторно се отвора по катастрофалниот пожар минатото лето, но новите правила веќе предизвикаа бран на негодување кај посетителите. Најконтроверзна е делумната забрана за употреба на чадори за сонце, поради што многумина се прашуваат како ќе се заштитат од силното летно сонце.
Плажата Пунта Молентис, живописен залив во Виласимиус на југоисточниот брег на Сардинија, воведе нови правила како дел од мерките за заштита на природата. Според новата регулатива, само деца под 10 години и лица над 65 години смеат да користат чадори за сонце. Сите други ќе мора да најдат друг начин да се заштитат од сонцето.
@aroundhotels Sardinia’s protected beach #fyp #sardinia ♬ audio originale – Ludovica C.
Покрај тоа, влезот на плажа се наплаќа 10 евра, а поставувањето столчиња и сите други видови шатори на плажа е забрането.
Плажата е затворена од јули 2025 година по голем пожар. Општина Виласимиус изјави дека пожарот и, како што велат, „екстремните временски услови на море“ ги принудиле да воведат построги правила. Целта, истакнуваат тие, е да се зачува овој природен ресурс за идните генерации.
@iamfrancesca_serra #sardegna #beach #villasimius ♬ Che Idea Di – DJ Frostline
Но, новите правила предизвикаа жестоки реакции на социјалните мрежи.
„Значи, за да можам да поставам чадор за сонце, морам да ангажирам дете?“, се пошегува еден корисник.
„Значи, за да дојдам на плажа со чадор за сонце, морам да го донесам дедо ми или да имам дете до утре?“, напиша друг.
Некои дури повикаа на бојкот на плажата поради новите правила, додека други рекоа дека едноставно ќе бараат друго место каде што можат да се заштитат од сонцето.
Новите мерки ќе останат во сила до крајот на октомври.
фото/Depositphotos/илустрација
Текстот Една од најубавите италијански плажи забранува чадори за сонце, туристите се огорчени е превземен од МАКФАКС.
