Хуманоидни роботи од кинеската компанија Unitree станаа вирални по видеото на кое тие „просат“ за пари преку QR кодови, предизвикувајќи дебата за влијанието на вештачката интелигенција во услови на борба со трошоците за живот. Видеото, кое се прошири на социјалните медиуми, го прикажува роботот како клечи со скрстени раце на улицата, додека звучник и LED знак објаснуваат дека собира донации за да ја плати својата „сметка за струја“. Пред него се поставени кутија за донации и QR код за дигитални плаќања.
Необичната сцена веднаш предизвика жива дискусија меѓу корисниците на социјалните медиуми, при што многумина, и покрај хумористичниот тон, сметаат дека приказната ја одразува мрачната реалност.
„Робот во Кина што бара QR код за сметка за струја е или најсмешната или најдистописката работа во неделата, или искрено, можеби и двете“.
Spotted in China: a Unitree robot working the sidewalk with a WeChat QR code and an LED sign pleading “desperately need electricity fees.”
Source: China Insider pic.twitter.com/zcJWRNWnRk
— Big Brain AI (@realBigBrainAI) June 15, 2026
Други поврзаа со економски проблеми. „Дури и роботите се борат со кризата на трошоците за живот и инфлацијата на кириите во оваа економија“, напиша еден корисник.
Некои се пошегуваа дека напредокот на вештачката интелигенција дури и ги остави роботите без работа, претворајќи ги во „роботски просјаци“. Други коментираа: „Вештачката интелигенција ни ги зеде работните места. Сега ѝ треба промена“ и „Ги земаат вашите работни места, ги земаат вашите донации“. Имаше и коментари како: „Тешки времиња во Кина. Дури и нивните роботи молат за пари“ и „Хаха, дури и роботите не можат да успеат“.
Иронично, додека виралното видео предизвика дискусии за тоа како подемот на вештачката интелигенција го прави пазарот на трудот уште понесигурен, Мет Вајт, истакнат експерт за генеративна вештачка интелигенција, ја пофали компанијата зад роботите. „Unitree е во одлична позиција да доминира на пазарот на хуманоидна и четвороножна роботика на ист начин како што BYD доминира на глобалниот пазар на електрични возила денес“, напиша тој.
This is an incredibly accurate and detailed analysis of how Unitree is well positioned to dominate in humanoid and quadruped robotics in the same way that BYD now owns the global EV market.
After having spent time with @UnitreeRobotics and it’s deeply technical and driven CEO… pic.twitter.com/wt1tLOapqM
— Matt White (@matthew_d_white) June 15, 2026
„Откако поминав време со компанијата и нејзиниот технолошки искусен и амбициозен основач, Ванг Сингсинг, уверен сум дека Unitree ќе стане роботски центар.“
Текстот (Видео) Роботи просат за пари на улиците во Кина е превземен од МАКФАКС.
