Црна Гора одбележува 20 години од референдумот во 2006 година, кога со 55,5 проценти од гласовите ја обнови државната независност, додека 44,5 отсто гласаа за останување во заедничка држава со Србија.
Премиерот Милојко Спајиќ изјави дека референдумот бил само прв чекор во градењето на државата и дека денес Црна Гора ја зацврстува независноста и се движи кон европска интеграција.
Тој порача дека државата не ја прават големината или војската, туку способноста на граѓаните да ги спојат разликите во заедничка визија, нагласувајќи ја целта за европска Црна Гора.
Европската комесарка за проширување Марта Кос изјави дека ЕУ го препознава напредокот на Црна Гора и дека веќе се работи на Договорот за пристапување.
Прославата на јубилејот ќе биде заокружена со концерти во Подгорица и на Цетиње, каде ќе настапат Рики Мартин и Дино Мерлин.
Текстот Со Рики Мартин и Дино Мерлин, Црна Гора ќе прослави 20 години независност е превземен од МАКФАКС.
