Русија денеска започна тридневни нуклеарни вежби, вклучувајќи лансирање балистички и крстосувачки ракети, соопшти Министерството за одбрана. Белорусија, исто така, учествува во вежбите, што ги опфаќаат и подморниците, воздухопловните сили и копнените сили, објави Ројтерс.
Опсег и цел на вежбите
Во вежбите учествуваат 64.000 војници и 7.800 парчиња воена опрема, а целта е да се вежба „подготовка и употреба на нуклеарни сили во случај на агресија“, се вели во соопштението на министерството.
Вклучени воени сили
Министерството соопшти дека во вежбите учествуваат ракетните сили на Русија, Северната и Пацифичката флота, авијацијата со долг дострел и единици од Ленинградскиот и Централниот воен округ. Вклучени се повеќе од 200 ракетни лансери, 140 авиони, 73 воени бродови и 13 подморници, од кои осум се стратешки нуклеарни подморници.
Вклучена е и Белорусија
Вежбите ќе вклучуваат и обука за употреба на руско тактичко нуклеарно оружје распоредено во Белорусија, додаде министерството.
Текстот Започнаа големи руски нуклеарни вежби: Лансирани балистички и крстосувачки ракети е превземен од МАКФАКС.
