Андриј Јермак, поранешниот шеф на уредот на претседателот на Украина, кој е осомничен за перење пари во голема истрага за корупција, е ослободен од притвор со кауција од 140 милиони гривни (околу 3,1 милиони долари).

Тој помина четири дена во затвор по судската пресуда на 13 мај со која беше осуден на два месеци затвор со можност за кауција. Тој рече дека не може сам да ја плати кауцијата и дека „ќе смета на помош од пријатели“.

Кауцијата, наводно, е собрана од повеќе извори, вклучувајќи ги и придонесите од Серхиј Ребров, поранешниот тренер на украинската фудбалска репрезентација. Јермак е обвинет за перење пари поврзани со изградбата на луксузен комплекс од вили надвор од Киев.

Истражителите тврдат дека помеѓу 2021 и 2025 година, повеќе од 460 милиони гривни, или околу 8,9 милиони долари, биле испрани преку изградба на станбен комплекс во селото Козин, богата енклава јужно од главниот град. Според обвинението, средствата за луксузниот градежен проект дошле од мултимилионска корупциска шема поврзана со државниот нуклеарен монопол „Енергоатом“.

Една од четирите куќи финансирани според шемата наводно била наменета за Јермак. Во истиот случај се обвинети уште шест лица, вклучувајќи го поранешниот вицепремиер Олексиј Чернишов и поранешниот бизнис партнер на Зеленски, Тимур Миндич.

Јермак и неговиот адвокат ги отфрлија обвиненијата, нарекувајќи ги „неосновани“. По неговото ослободување со кауција, поранешниот шеф на уредот на Зеленски е должен да носи електронска нараквица, да пријавува какви било промени на живеалиштето, да не го напушта Киев без дозвола, да не контактира со други осомничени и да ги предаде пасошите.

Текстот (Видео) Поранешниот шеф на кабинетот на Зеленски ослободен со кауција: Не смее да го напушти Киев без дозвола е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ