Маж од Шпанија, кој привремено беше позитивен на хантавирус, е во стабилна состојба, и покрај појавата на поблаги симптоми, објавија извори од шпанското Министерство за здравство.
Пациентот, кој е сместен во болницата „Гомез Улја“ во Мадрид, имал мала треска и респираторни тешкотии во текот на ноќта, но според здравствените власти, немало видливо клиничко влошување, објави „Паис“.
Претседателот на Канарските Острови, Фернандо Клавихо, изјави дека регионалните власти биле „во право“ што предупредиле на ризиците при трансферот на заразените патници.
Тој ги повтори своите критики кон централната влада, велејќи дека ризиците можеле да се намалат.
Клавихо изјави дека трите позитивни случаи идентификувани во последните неколку часа ја потврдуваат потребата од спроведување PCR тестирање на бродот, што, тврди тој, претходно го побарала регионалната влада.
Премиерот на Шпанија, Педро Санчез, треба да се сретне со генералниот директор на Светската здравствена организација, Тедрос Аданом Гебрејесус, во палатата Монклоа во текот на денот, по што е планирана заедничка прес-конференција.
Текстот Се појавија првите симптоми на пациент во Мадрид заразен со хантавирус; „Сепак бевме во право“ е превземен од МАКФАКС.
