Поранешната светска тенисерка број еден, Марија Шарапова, повторно се најде во центарот на вниманието со својата најнова објава на социјалните мрежи. Пензионираната атлетичарка позираше во раскопчано црно сако, под која носеше само градник, а смелата комбинација, нагласена со длабоко деколте, предизвика лавина комплименти од нејзините следбеници.
Иако ја заврши професионалната кариера во 2020 година, Шарапова очигледно сè уште се грижи за својот физички изглед, што нејзините обожаватели го забележаа со одобрување. Таа привлече особено внимание со својот духовит напис, во кој се потсмеваше на себе.
„Веројатно вака не би ги носела моите деца на училиште“, напиша Шарапова. Многумина коментираа дека изгледа „подобро отколку во нејзините тенисерски денови“, додека други заклучија дека „времето очигледно застанало за Марија“.
Марија Шарапова сега живее во Соединетите Американски Држави, каде што се посвети на деловни потфати и семеен живот по спортската кариера. Покрај деловните проекти, таа е активна на социјалните мрежи, каде што споделува детали од приватниот живот со партнерот и синот со јавноста, како и модни комбинации кои редовно предизвикуваат голем интерес.
За време на нејзината исклучително успешна кариера, Шарапова освои пет гренд слем титули и беше една од најпопуларните спортистки во светот со години. Неколку години по нејзиното пензионирање, јасно е дека таа сè уште со леснотија го привлекува вниманието на јавноста.
фото/Depositphotos
Текстот Марија Шарапова сподели фотографии во елегантен аутфит: „Вака не ги носам децата на училиште“ е превземен од МАКФАКС.
