Доналд Трамп тврди дека војната со Иран ќе „заврши брзо“ додека се обидува да обезбеди договор за прекин на конфликтот. Секој договор ќе мора да ги реши клучните прашања што ја започнаа војната на прво место – првенствено збогатувањето на ураниум на Иран и запирањето на патот на Техеран кон развој на нуклеарно оружје.
Трамп ги извлече САД од претходниот договор за време на неговиот прв мандат, а сега се надева дека ќе го прикаже секој нов договор како супериорен во однос на оној што го посредуваше Барак Обама во 2015 година. Да се потсетиме дека во тоа време Техеран се обврза да го ограничи збогатувањето на ураниум за 15 години. Воениот аналитичар Мајкл Кларк верува дека Вашингтон е во незавидна позиција и само бара стратегија за излез.
„Мислам дека стигнавме до точка каде што САД сега очајно сакаат да излезат од конфликтот и бараат начин што може да се претстави како некако подобар од договорот од 2015 година“, изјави Кларк за „Скај њуз“.
Тој додава дека во Вашингтон се зборува за многу работи, но дека реалноста ќе биде поинаква.
„Всушност, тоа ќе изгледа многу слично на стариот договор, но под малку полоши услови бидејќи Иранците сега имаат многу поцврсто водство отколку што имаа во 2015 година“, истакнува аналитичарот.
Текстот Аналитичар: Америка очајно сака да се повлече од Иран е превземен од МАКФАКС.
