Американската рок група „Hollywood Vampires“, составена од Алис Купер, Џо Пери, Џони Деп и Томи Хенриксен, доаѓаат во Хрватска за првпат. Како дел од нивната летна европска турнеја, тие ќе одржат концерт на 3 септември 2026 година во Пула Арена, што ќе биде нивниот единствен настап во регионот, како што објавија организаторите Nucoast Concerts и Live Nation.
Претпродажбата на билети започнува во среда, 1 април, во 10 часот наутро преку официјалната веб-страница на бендот. Редовната продажба започнува еден ден подоцна, во четврток, 2 април, исто така во 10 часот наутро, а билетите ќе бидат достапни на сите продажни места на Eventim и онлајн.
Бендот е формиран во 2012 година како почест на познатите уметници од 70-тите кои живееле брзо, гласно и без компромис, оригиналните „Холивудски вампири“. Тие го издадоа својот деби албум во 2015 година кога им се придружи четвртиот член, гитаристот Томи Хенриксен.
Албумот собра импресивен список на гости како што се Пол Мекартни, Дејв Грол, Слеш, Брајан Џонсон, Џо Волш и покојниот Кристофер Ли, а нивниот настап на 58-то доделување на Греми наградите, каде што му оддадоа почит на Леми Килмистер со изведбата на „Ace of Spades“, е запишан како еден од најдобрите моменти во модерниот рок.
Европската турнеја започнува на 12 август во Лондон, а пред Пула ќе настапат и во Глазгов, Манчестер, Бирмингем, Халифакс, Нирнберг, Париз, Келн, Хамбург, Милано, како и бројни други градови.
фото/Depositphotos
Текстот Џони Деп и неговиот бенд првпат доаѓаат во Хрватска е превземен од МАКФАКС.
