Христијан Мицкоски лаже. Од сите премиери во светот, од сите премиери во Европа има само еден, и тоа е на овој брдовитиот Балкан, поточно во Македонија, којшто употребува термин којшто досега не е познат во политиката. Тоа е терминот „вистинска вистина“. Сте го слушнале. Но кој човек зборува за вистинска вистина? Оној што има друга вистина. Тоа е лажна вистина, истакна на прес-конференција Андреј Жерновски, член на Извршниот одбор на СДСМ.
„Токму тоа е тема на денешната прес-конференција. Тоа е лажната вистина на Христијан Мицкоски.
Ајде да видиме дали СДСМ лаже кога вели дека Мицкоски лаже. Со лага дојде на власт. Во октомври 2019 година изјави дека „ ако ги изгубам парламентарните избори ќе си дадам оставка’. Ги изгуби парламентарните избори, не си даде оставка. Излажа. Дојде на власт со лага. Кажа, вети на граѓаните, на гласачите дека кога ќе дојде на власт ќе го промени Преспанскиот договор, ќе го промени уставното име, ќе го врати старото име. Повторно излажа, но не им кажа на гласачите, не им кажа на граѓаните дека тоа значи ќе бидеме ФИРОМ, дека ќе бидеме БЈРМ.
Не им кажа дека треба да го напуштиме НАТО и дека нема да бидеме безбедни“.
Сега, додава Жерновски, измислува повторно конфликти со соседите, сè со цел, како што рече, да ја држи земјата изолирана и Македонија да има блокиран европски пат.
„Рече дека доколку се открие поврзаност помеѓу ВМРО-ДПМНЕ и него и агенцијата за обезбедување од дискотеката „Пулс“ во Кочани, дека ќе си даде оставка. Повторно излажа. Потоа велеше, како советник на Никола Груевски, дека работи про боно. Се сеќавате? Повторно излажа.
Значи може да констатираме што прави Мицкоски кога ќе го фатите во лага. Одговара со нова лага. Ветуваше одговорност, ветуваше правда. Сега го штити Тошковски.
Меѓутоа криминалците останаа во власта, во врвот на власта, одговорност нема, а правдата е погребана.
Пред неколку дена во македонското Собрание, на прашање на претседателот на СДСМ, Венко Филипче, за негова поврзаност со Душан Адамовиќ, рече дека зад неговата поставеност како конзул на Србија стои, цитирам, македонскиот амбасадор. Повторна лага.
Бидејќи почесен конзул, кај нас, се носи со одлука на Влада, на седница на Влада, на предлог на Влада, како и амбасадор. Повторно излажа. Ајде да видиме кој стои зад назначувањето, всушност, на Адамовиќ.
Оваа слика позади мене објаснува сè. Погледнете кои се на сликата. Се разбира Христијан Мицкоски, понатаму Душан Адамовиќ и претседателот на СНС, сестринската партија на ВМРО-ДПМНЕ, Милош Вучевиќ“.
Сè е лага, оценува Жерновски. Според него, сите настапи, целата политика на Мицкоски се лага.
Граѓаните, како што рече, веќе знаат дека неговите зборови ништо не значат.
„40% од медиумите се под контрола на мрежата на Орбан и тоа е начинот на којшто таа шарена лага успева да допре до граѓаните и ние ќе се бориме против тоа.
Мицкоски многу лаже. Не дозволувајте повеќе овој човек да ве лаже и понатаму“.
