Политичар по име Адолф Хитлер Уунoна е пред убедлива победа на локалните избори во Намибија. Според изборната комисија, тој се очекува да го задржи мандатот на изборите на 26 ноември. На претходните избори во единицата Омпундја освои 85% од гласовите.
Уунона, член на владејачката партија SWAPO, претходно изјави дека како дете мислел дека неговото име е „нормално“ и нагласи дека нема никаква врска со нацистичката идеологија. Објасни дека татко му го дал тоа име без да знае што претставува.
Тој рече дека денес се претставува како Адолф Уунона и дека е „предоцна“ да го смени името поради службената документација. Уунона нагласи дека неговиот политички ангажман е спротивен од оној на неговиот историски имeњак — се приклучил во борбата против апартхејдот.
Намибија, поранешна германска колонија, сè уште има многу германски имиња и топоними.
Текстот Адолф Хитлер води на изборите во Намибија е превземен од МАКФАКС.
