Руските сили нападнаа четири возила на мисијата за хуманитарна помош на ОН во заедницата Билозирка во регионот Херсон утрово, користејќи беспилотни летала и артилерија, објави началникот на регионалната воена администрација на Херсон, Олександар Прокудин, на Telegram.
„Русија уште еднаш го покажа своето вистинско, одвратно лице со напаѓање на хуманитарна мисија во регионот Херсон. Утрото, во Билозирка, руските сили намерно ги погодија камионите на хуманитарната мисија на ОН со беспилотни летала и артилерија. Тие четири бели возила беа јасно обележани – тоа не беа воена опрема, туку камиони што доставуваа помош до жителите“, рече тој.
Според Прокудин, едниот камион бил целосно уништен во пожарот, другиот сериозно оштетен, додека преостанатите два успеаја да избегаат од нападот. Никој не е повреден.
„Денес, „втората армија на светот“ уништи неколку тони хуманитарна помош. Терористи – нема што повеќе да се каже“, нагласи тој.
фото: принтскрин/телеграм
Текстот Украинци: Русите нападнаа четири камиони на ОН со хуманитарна помош е превземен од МАКФАКС.
