Од 3.9.2025 година, во период од 2 седмици, на патниот правец Гостивар – Тетово и обратно, од патарината Тетово до патарината Гостивар, ќе се изведуваат градежни истражувачки работи поради што сообраќајот ќе се одвива со привремен режим на сообраќај, соопшти АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На ГП Богородица времето на чекање е 30-ина минути, а на другите граничните премини од македонска страна нема подолги задржувања за влез и излез од државата.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Текстот На ГП Богородица се чека 30-ина минути е превземен од МАКФАКС.
