Градоначалникот на општина Центар Горан Герасимовски ги поканува сите љубители на културата и музиката на настанот „Центарска симфонија“, што ќе се одржи на 28 јуни 2025 година (сабота), со почеток во 20:00 часот на Плочник – Градски Ѕид кај Клуб на новинари.
„Центарска симфонија е музичко патување низ емоции, спомени и современи интерпретации – во Центар, во срцето на Скопје. Ќе слушаме македонска и светска филмска музика – во ново, моќно симфониско руво и во изведба на камерен оркестар и бенд, со специјален гостин Александар Тарабунов. Со настани како ‘Центарска симфонија’ ја збогатуваме културната понуда на Општина Центар и ја доближуваме уметноста до секој граѓанин. Горди сме што инвестираме во култура која ги поврзува генерациите и ја разубавува заедничката слика за животот во Центар“, вели Герасимовски.
Влезот е слободен.
Текстот Герасимовски: За музичките сладокусци на 28 јуни „Центарска симфонија“ под отворено небо со Александар Тарабунов, камерен оркестар и бенд е превземен од МАКФАКС.
