Жена (60) од Вилнсдорф во германската покраина Северна Рајна-Вестфалија почина денес од удар од гром на ливада, соопшти локалната полиција.
Како што објави „Билд“, таа била погодена од гром веднаш откако, во придружба на своето куче, зела коњ од пасиште во близина на таа населба.
– Нема очевидци, освен нејзините животни. Потоа тие се стрчаа кон другите минувачи – рече портпаролот на полицијата.
Тој додаде дека жената била пронајдена во 10:00 часот наутро и дека обидите за итна реанимација не биле успешни.
