Доналд Трамп Јуниор, најстариот син на американскиот претседател, слета во Белград. Тој ќе се сретне со српскиот претседател Александар Вучиќ, пишува Телеграф.
Ова е негова втора посета на Белград во последните шест месеци. Тој го посети и Белград на крајот на септември минатата година, додека неговиот татко беше среде претседателската кампања.
По тој повод тој организираше вечера за група деловни луѓе во хотел во центарот на Белград.
Трамп Јуниор игра важна улога во семејниот бизнис преку организацијата Трамп. Тој, исто така, беше истакнат учесник во претседателските кампањи на неговиот татко во 2016 и 2020 година, често се појавуваше како говорник лобирајќи кон конзервативните гласачи.
Инаку, зетот на американскиот претседател Џаред Кушнер и милијардерот од Обединетите Арапски Емирати Мохамед Алабар планираат да изградат луксузен хотел и станбен комплекс на местото на Генералштабот (ГШ) на поранешната Југословенска народна армија, уништен во бомбардирањето на НАТО во 1999 година, во центарот на Белград.
Текстот Синот на Трамп слета во Белград, ќе се сретне со Вучиќ е превземен од МАКФАКС.
