Начинот на кој родителите комуницираат со децата има големо влијание врз нивниот емоционален развој и самодовербата. Одредени реченици, доколку децата редовно ги слушаат додека растат, можат да им дадат чувство на сигурност и да им помогнат да станат самоуверени, одговорни и емпатични личности, пишува „ЈорТанго“.

1. „Тука сме за тебе, што и да се случи“

Родителите што им даваат безусловна поддршка на децата им помагаат да развијат самодоверба. Кога детето знае дека љубовта на родителите не зависи од неговите успеси, полесно се соочува со предизвици и не се плаши од грешки.

2. „Што мислиш, како се чувствува другата личност?“

Со ова прашање родителите ги поттикнуваат децата да размислуваат за чувствата на другите. Така се развива емпатијата, а децата учат да ги разбираат последиците од своите постапки.

3. „Те слушам“

Кога родителите навистина ги слушаат децата, тие се чувствуваат прифатени и разбрани. Внимателното слушање создава доверба и ги охрабрува отворено да зборуваат за своите чувства.

4. „Верувам во тебе“

Наместо веднаш да ги решаваат проблемите на децата, родителите треба да им дозволат самостојно да бараат решенија. Со поддршка и охрабрување, децата учат да веруваат во сопствените способности.

5. „Што можеш да направиш поинаку следниот пат?“

Наместо да ги казнуваат за секоја грешка, родителите можат да ги поттикнат децата да извлечат поука од искуството. Така тие полесно го прифаќаат неуспехот и развиваат способност за решавање проблеми.

6. „Ајде да разговараме за тоа“

Отворената комуникација им помага на децата да ги разберат и изразат своите емоции. Кога родителите не ги осудуваат нивните чувства, децата полесно развиваат емоционална зрелост.

7. „Тоа звучи тешко“

Понекогаш на децата не им треба совет, туку разбирање. Со реченици како „Те разбирам“ или „Тоа звучи тешко“, родителите покажуваат дека нивните чувства се важни и им помагаат полесно да се справуваат со нив.

ПОВРЗАНИ НАПИСИПОВЕЌЕ ОД АВТОРОТ