Извршниот директор на „Епл“ откри дека технолошкиот гигант наскоро ќе претстави нов уред. Обично треба да почекаме до пролет за да ги слушнеме големите најави на „Епл“ – но изгледа дека тие доаѓаат порано овој пат.

Исто така, се чини дека нешто сосема ново се појавува на хоризонтот.

Според Тим Кук, шефот на „Епл“, најновиот член на семејството на Apple пристигнува во среда, на 19 февруари. Тој објави видео на Икс со холографско лого на „Епл“ со натпис: „Подгответе се да го запознаете најновиот член на семејството. Среда, 19 февруари. #AppleLaunch“.

Иако не откри за каков уред станува збор, се појавија гласини дека тоа би можело да биде ажурирана верзија на серијата iPhone SE. Иако тоа е само шпекулација, се започна со изјавата на Марк Гурман, кој сугерира дека може да се појави iPhone SE 4 – и има добар аргумент за тоа.

Пишувајќи за Bloomberg, Гурман рече: „iPhone SE 4 ќе го модернизира моделот со пониска цена за да поттикне раст и да ги привлече корисниците да се префрлат од други брендови на Епл“.

Тој тврди дека информацијата му била пренесена од луѓе кои „побарале да останат анонимни“, бидејќи објавувањето на „Епл“ е „приватно“.

Но, тоа не е се, бидејќи тој исто така верува дека во 2025 година ќе бидат претставени и други производи, вклучувајќи MacBook со чип M4 и надградби на моделите iPad Air, како и уредите на Apple Watch и новите модели на iPhone.

Луѓето на Икс ја коментираат објавата на Тим Кук, очајно барајќи трага.

Некој праша: „Можете ли да ни дадете поконкретни информации?“, „Едвај чекам да видам што е тоа!“, напишал друг корисник, додека трет коментирал: „Возбудливо! Можеби е Apple Vision? Изгледа ќе треба да почекаме до 19 февруари за да дознаеме“.

Текстот Шефот на „Епл“ најави нов производ: „Запознајте го новиот член на семејството“ е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ