Претседателката на Европската комисија Урсула фон дер Лајен изрази сочувство по смртоносното пукање што се случи вчера во центар за образование на возрасни во шведскиот град Оребро.
„Она што се случи во Оребро е навистина ужасно. Вакво насилство и терор немаат место во нашите општества, а најмалку во училиштата. На овој мрачен ден стоиме со народот на Шведска“, рече таа.
What happened today in Örebro is truly horrifying.
Such violence and terror have no place in our societies—least of all in schools.
In this dark hour, we stand with the people of Sweden.
Our thoughts are with the victims, and we wish them strength and a swift recovery. https://t.co/Z8XaHDfZBy
— Ursula von der Leyen (@vonderleyen) February 4, 2025
Фон дер Лајен на ранетите им посака брзо закрепнување. Околу десет лица загинаа во пукање во центар за образование за возрасни во Оребро, Шведска, а се верува дека напаѓачот е еден од нив, соопшти шведската полиција.
Полицијата соопшти дека не се очекуваат дополнителни напади, објави Ројтерс. Најмалку 15 лица се повредени во пукањето, објави претходно шведскиот јавен радиодифузен сервис СВТ.
Текстот Урсула фон дер Лејен по пукањето во Шведска: „Насилството и теророт немаат место во училиштата“ е превземен од МАКФАКС.
